Arbër Zaimi, anëtar i Lëvizjes Vetëvendosje, ka reaguar në llogrinë e tij në Facebook ndaj spekulimeve të disa portaleve dhe gazetarëve të caktuar, në lidhje me bisedimet mes LV e LDK, duke thënë mes tjerash se gazetaria dhe spekulimi janë gjëra të ndryshme.
Postimi i tij i plotë:
Portalet menjëherë fillojnë me spekulime pa lidhje. Gazetaria dhe spekulimi janë gjëra të ndryshme. Rrenat nuk janë lajm. Bisedimet mes LV e LDK janë duke u zhvilluar, intensive si kurrë më parë. Ka opsione të reja në tavolinë, ka edhe lëvizje, por ende nuk ka marrëveshje. Do të marrë kohën e vet marrëveshja, sepse ne nuk dëshirojmë marrëveshje të padrejtë.
Kur s’keni çfarë bëni, lexoni letërsi ose shihni ndonjë film, siç bëj unë. S’ka nevojë për fake news.
