Kryetari i Kuvendit të Kosovës, Glauk Konjufca, ka thirrur për nesër mbledhjen e parë të Kryesisë së Kuvendit të Kosovës .
Në një njoftim për media është bërë e ditur se nesër, në mbledhjen e cila do të mbahet në orën 11:00, në rend dite janë tri pika:
– Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP,
– Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Këshillit të Evropës, dhe
– Shqyrtimi i propozimeve dhe i kërkesave.
Mbajtja e kësaj mbledhjeje mbahet, ndonëse Kosova vazhdon të mos ketë qeveri.Deri më tani, liderët e të dy partive, Albin Kurti dhe Isa Mustafa, ende nuk e kanë përmbyllur marrëveshjen për koalicion.
