Ish shefi i misionit të OSBE-së gjatë luftës në Kosovë, Wiliam Walker deklaroi se presidenti serb, Aleksandar Vuçiq është politikan i llojit të Millosheviqit. Ndërkohë ai theksoi se kreu i shtetit serb duhet të ‘zgjohet’, pasi sipas tij ai e di të vërtetën e asaj çka ka ndodhur gjatë luftës, sidomos në Reçak.
“Nuk e di se ku bazohet ai. Më duket e çuditshme se si 21 vjet pas flasin ende për mua në Beograd. Në ato mënyra më ka përshkruar edhe Millosheviç. Por, 21 vjet më pas, presidenti i Serbisë ende të flasë ashtu… Ai e di të vërtetën që ndodhi Reçak. Besoj se ishte ministër i Informimit apo diçka e tillë në kohën e Millosheviqit. Pra, ai është politikan i llojit të Millosheviçit”, ka thënë Walker.
Mes të tjerash ai ironizoi Vuçiqin, duke e krahasuar atë me njerëzit që besojnë
se toka është e rrafshët.
