Ish- pjesëtari i UÇK-së nga ZOP, Agron Limani, nëpërmjet rrjetit social Facebook, ka bërë të ditur se edhe ai ka pranuar ftesë nga Gjykata Speciale për t’u intervistuar. Agron Limani është bashkautor i librit “Fshati i vrarë”, një përmbledhje faktesh dhe dëshmish të krimeve serbe në Krushë të Vogël.
Postimi i tij i plotë:
Pasi është bërë e zakonshme të bëhen publike njoftimet e
tilla, edhe unë dua të njoftoj se kam pranuar ftesë nga Gjykata Speciale për tu
intervistuar. Pra, kam pranuar ftesë nga një gjykatë e cila ka marrë përsipër
gjykimin e krimeve të luftës. Pasi vijë nga një vend ku forcat serbe pothuajse
deshën të zhdukin tërë popullatën civile shqiptare, formimi i kësaj gjykate të
krijon mendimin se një gjykatë e tillë kryesisht do të merret me gjenocidin
serb të bërë në shumë pjesë të Kosovës. Por
menjëherë zhgënjehesh, sepse e kupton se kjo gjykatë do të organizoj kryekëput
gjykime kundër shqiptarëve.
Me këtë rast, dua të falenderoj të gjithë ata, të
cilët nocionit drejtësi, i humbën çdo vlerë, e sollën në një gjendje të tillë,
e cila do tu shërbente si alibi ” miqëve” të Kosovës për të formuar një gjykatë
të tillë një etnike, në të cilën nuk do të gjykohet asnje serb, pavarësisht
krimeve të bëra në vendin tonë.
Indiferenca shumëvjeqare e institucioneve tona
karshi krimeve serbe, ka shërbyer si motiv i mjaftueshëm për formimin e kësaj
gjykate diskriminuese kundërshqiptare.
Gjate 20 viteve, Serbia në vazhdimësi fabrikoi
gënjeshtra, kurse organet tona nuk arritën të dokumentonin krimet e luftës.
Heshtja institucionale (vendore dhe ndërkombëtare) ishte mënyra më e mirë për
mbulimin e krimeve serbe. Prandaj jo rastësisht serbët nga kriminel u kthyen në
viktima.
Bartësit e institucioneve tona, në vend që të
formonin organe kompetente për të mbledhur fakte dhe dëshmi për krimet serbe,
ata kryesisht u morën me pasurimin e tyre.
Maksima ”ra kau shpëtoi shkau” i përgjigjet më së
miri sjeljes së papërgjeshme të institucioneve tona.
Klasa jonë politike temën e krimeve serbe e
aktualizonte sa herë kur kjo i shërbente për interes personal apo grupor, por
asnjëherë nuk e trajtuan me seriozitetin e domosdoshëm institucional, trajtim i
cili do tu sillte drejtësi viktimave dhe familjeve të tyre.
Historia më e re e Kosovës padyshim se do të
shënojë në analet e saj një fenomen, me gjasë të paparë më parë , fenomenin
sesi indifrenca e viktimës ndikon në shfajsimin gradual të kriminelit dhe me
këtë suksesshëm bënë ndrrimin e pozicioneve mes viktimës dhe kriminelit.
Nuk do të ndjehesha mirë, nëse në fund të këtij
njoftimi nuk do të falenderoja ata të cilët e kurorëzuan këtë gjykatë, deputet e
Republikës së Kosovës dhe sponzorizuesit e tyre. Emrat e tyre padyshim do të
skaliten me shkronja të ”arta” në analet e historisë dhe drejtësisë së Kosovës.
Me respekt,
Agron Limani
