Banorët e fshatrave të rajonit të Hasit të Komunës së Prizrenit ka vite që i kanë dërguar KEDS-it një kërkesë për ta zgjidhur në tërësi problemin rrjetit e energjisë elektrike në këtë pjesë të vendit.
Deri më sot nga kjo kompani (KEDS) nuk janë ndërmarrë veprime të kënaqshme dhe se gjendja me furnizim të energjisë elektrike dita – ditës është duke u përkeqësuar, e me këtë edhe vështirësitë e banorëve të kësaj ane po shtohen.
Ata vazhdimisht kanë kërkuar ndërrimin e tërësishëm të rrjetit të energjisë elektrike, përfshirë edhe atë të tensionit të lartë. Ata kërkojnë zgjidhje në çfarëdo forme vetëm e vetëm që të evitohen problemet me largpërçues.
Me përkeqësimin e motit, banorët e kësaj ane vazhdimisht kanë probleme në furnizim të energjisë elektrike dhe se shpesh vihet në rrezik edhe jeta e banorëve të kësaj ane thuhet mes tjerash në kërkesën e nënshkruar nga kryetarët e fshatrave të rajonit të Hasit.
