Qarkullon një tregim në të cilën thuhet se ekzistojnë dy javë të muajit nëntor, ku kryefamiljarët e kanë zënë trenin e fundit dhe i kanë siguruar drutë për ngrohje. Duke qenë së muaji nëntor është paralajmëruesi i stinës më të ftohtë të vitit, sigurimi i druve për ngrohje në këtë kohë është emërtuar si “muaji i dembelëve”.
Nisur nga këto “fjalë të pleqve”, ende ka kohë për ata që nuk kanë mbërritur t’i sigurojnë drutë për djegie për stinën e dimrit. E çmimi i druve nuk ndryshon shumë, edhe sivjet, varësisht prej llojit, çmimi i druve sillet nga 43 deri në 48 euro. Shitësit e druve thonë se çmimi mund të mbetet si është, nëse gjatë vjeshtës dhe dimrit merr mot i butë, në të kundërtën çmimi i druve do të rritet. Në atë se cili është interesimi i qytetarëve për blerjen e druve, një tregtar që shet në dalje të rrugës Prizren – Prishtinë thotë:
“Ne qe po shesim nëpër pllace jemi shumë të sigurt për qytetarin, ai paguan për ato që i merr. Ata që po i shesin me kamiona , po iu bojnë shumë dallavere në metrin e druve. Po ua shesin pak më lirë, se po i mashtrojnë. Po iu thonë, janë 6 metra dru e po u dalin ma pak, në fund po ua len më lirë dhe qytetari po e han gjithmonë.”
Derisa flisnim me njërin prej tregtarëve të druve, një nga blerësit, Misin Morina, tha për Kapixhikun :”I bleva katër metra dru, po duken që janë dru të mira, i mora me 45 euro metrin. Po pres me e marrë rrogën e me i ble edhe dy metra të tjera. Pak shtrenjtë, po dimni nuk të vetë,”- tha ai.
Ngrohja me dru, për pjesën më të madhe të qytetarëve e Kosovës, mbetet një nga alternativat kryesore, pasi shpenzimet për ngrohje janë ë të ulëta.
