Nesër në Prizren, shoqata për kulturë “Fidani”, me rastin e 4-vjetorit të vdekjes së poetit tonë për fëmijë, Abdullah Thaçi, mban orë letrare. Me këtë rast do të shfaqet një dokumentar kushtuar poetit, do të mbahen fjalime rasti si dhe do të thuhen vargje të autorit. Në përfundim të këtij manifestimi kulturor vargjet e tyre do t’i thonë edhe krijues të pranishëm të këtij manifestimi. Ora letrare mbahet në shtëpinë e kulturës “Xhemajli Berisha” në Prizren, me fillim në orën 17:00.
