Lëvizja VETËVENDOSJE! ka hapur pika grumbullimi në zyrat e veta nëpër Kosovë për grumbullimin e ndihmave në ushqim të paketuar, rrobe, batanije e shtroje, shatorë, dyshekë dhe barna. Ndihmat e mbledhura do të transportohen në Shqipëri në koordinim me emergjencat civile.
Njoftimi është bërë nga të gjitha qendrat e Lëvizjes Vetëvendosje nëpër Kosovë:
“Tërmetet e mbrëmshme në Shqipëri kanë tronditur vendin. Me ngushëllimet për të gjithë familjet e viktimave dhe në mbështetje të të lënduarve e familjeve të mbetura pa strehë, po mobilizohemi për të ndihmuar.
Lëvizja VETËVENDOSJE! organizon tri pika grumbullimi, në zyrat tona në Prishtinë, Prizren dhe Gjakovë, për grumbullimin e ndihmave siç janë ushqimi i paketuar, rrobat të ngrohta për çfarëdo moshe, batanije e shtroje, shatorë, dyshekë, barna (paracetamol dhe vitamina).
Pas grumbullimit do të transportohen në Shqipëri në koordinimet me Emergjencat Civile.
Ju jemi shumë mirënjohës për të gjitha ndihmat dhe prej këtij çasti mund të lajmëroheni për t’i dorëzuar ndihmat tuaja.
Pikat grumbulluese: Në të gjitha zyret e Lëvizjes VETËVENDOSJE! nëpër Kosovë.”
